Endurmenntun kennara

Vonandi skýrir þetta mál mitt. Endilega skoðið glæruna sem fylgir með

Endilega skoðið þetta og ath hvort það skýrir hvenær endurmenntun kennara fer fram.

Kennara sem sagt þurfa alltaf að skila 42,86 tímum á starfstíma skóla, 37 vikur á ári. Til viðbótar bætist endurmenntun í flestum tilfellum við .

Endurmenntun er oftast í boði á starfstíma skóla þannig að kennara vinna hana í yfirvinnu til viðbótar kennslu, undirbúningi, úrvinnslu og nemendautanumhald.

Kennari sem sækir endurmenntun á virkum degi frá kl 8-16 þarf að skila þeim degi til viðbótar, það er oftast gert þannig að kennari fær forföll fyrir sig þennan dag og vinnur það af sér með skiptivinnu.

Þetta skapar álag sem margir kennara kannast við.

Hvers vegna kennara flytja endurmenntunina inn á starfstíma skóla er margslungið, t.d liggur í augum uppi að sú endurmenntu sem er í boði er oftast í boði á starfstíma skóla.

Skrár tengdar þessari bloggfærslu:

• c_documents_and_settings_hilmar3_my_documents_ath.ppt

Athugasemdir

[Berglind Steinsdóttir, 16.2.2007 kl. 22:43]

Ég hef verið kennari og veit að það er hunderfitt, kenndi einn vetur (1995-6) í grunnskóla áður en ég fór í kennsluréttindanámið. Þá voru ekki sérlega margir á rítalíni, tölvupóstur ekki orðinn almennur þannig að foreldrar voru ekki í því að senda manni póst í tíma og ótíma sem maður þurfti að bregðast við, þaðan af síður sms, en mér fannst megnið af tíma mínum í 7.-8. bekk fara í að aga nemendur, kenna þeim á ruslafötuna og þess háttar. Ég hef á tilfinningunni að sá hluti sé núna jafnvel orðinn veigameiri.

Ég stend með kennurum af því að ég veit að þeir sem leggja sig fram og vilja miðla nemendum sínum einhverju gagnlegu eru eins og útspýtt hundskinn, ekki síst við að hugsa upp forvitnilegar aðferðir til að kveikja áhuga og þræða alla jaðrana því að meðalnemandinn er ekki til þrátt fyrir að megnið af námsefninu sé hannað handa einmitt honum. Árið mitt í grunnskólakennslu var ég sveittust við að reyna að gera eitthvað fyrir eina súperklára umsjónarnemandann minn. Síðan hef ég alltaf haft sérstaka samúð með greindu krökkunum sem hlýtur að leiðast.

Og nú kemur það sem ég vildi, tjah, gagnrýna. Það er þessi ofurnákvæmni í sundurliðun á vinnutíma kennara. Ég er búin að slökkva á glærunni en verkstjórn í 9,86 klukkustundir eða hvað það var kveikir bara ekki skilning hjá fólki úti í bæ. Mér finnst að kennarar ættu í aðalatriðum að þurfa að vera á vinnustað, upp á samstarf og þess háttar, en auðvitað að fá miklu betri aðstöðu en ég kannast við að hafa haft. Aðstöðuleysið kynti undir agaleysi mínu, bæði við grunn- og framhaldsskólakennslu, þannig að ég sat uppi með verkefnin á kvöldin líka. Það skulu margir kennarar kannast við. Svo vildi ég líka sjá miklu meiri samvinnu þannig að það væri ekki endilega einn kennari með einn bekk, þ.e. í sínu fagi, heldur mætti alveg einn kennari miðla inni í bekknum en annar fara yfir verkefnin inni í vinnuherbergi.

Úff, þetta er orðið alltof langt en þetta síðasta, um samvinnuna, er gamall draumur sem ég hef aldrei útfært.