"Hvernig veit ég að ég er til?"

 

Stuttu eftir að litla dóttir mín átti að vera farin að sofa í gærkvöldi,  kom hún trítlandi niður stigann til okkar pabba síns og sagði: "Af hverju er ég til?"

Við svöruðum bæði í kór: " Til þess að gera kraftaverk."

Hún varð hugsi og sagði síðan: "Hvernig veit ég að ég er til?"

Hverju svarar maður þegar stórt er spurt.?

Henni dugaði svarið sem mér datt í hug á þessari stundu.

"Þú þyrftir ekki að pissa nema þú værir til."

Mun þetta svar duga henni í gegnum lífið. Eða verður þetta spurning sem henni verður hugleikin fram eftir aldri.

Athugasemdir

[Erla Traustadóttir (IP-tala skráð) 15.2.2007 kl. 11:52]

Gaman að sjá að þú ert farin að blogga kæra vinkona!

kv. Erla

[Hrafnhildur (IP-tala skráð) 16.2.2007 kl. 10:41]

Ég var að skoða bæklinginn sem datt inn um lúguna hjá mér. Mér finnst svolítið vel í lagt að hafa 105-150 tíma í endurmenntun á ári hverju (skylda).  það eru 3-4 vikur á hverju ári. Ná kennarar að uppfylla þessa endurmenntunarskyldu? ...og hvað ef þeir ná henni ekki? Er þá dregið af launum sem því nemur? Hvað ef þeir fara á námskeið að vetri frá t.d. 8-16 á mánudegi. Fara þeir tímar þá í að uppfylla endurmenntunarskyldu en í staðin vinnur kennarinn 7.5 tíma eftir að skóladagatalið endar? Eru kennarar mikið á námskeiðum um helgar yfir veturinn til að vinna sér í haginn fyrir sumarið?

Væri ekki hægt að nýta eitthvað af þessum tímum í að undirbúa skólastarfið eða hafa endurmenntunina í það minnsta valkvæða eins og hún er víðast á vinnumarkaði?

 Er framboð endurmenntunar svona gríðarlegt hjá kennurum að ár eftir ár ná þeir að fylla þennan kvóta ?

Mikið fannst mér þessi bæklingur vekja upp fleiri spurningar en svör. En kannski fæ ég svör og þá er tilganginum mögulega náð.

Hrafnhildur

[Þorgerður Laufey Diðriksdóttir, 16.2.2007 kl. 20:53]

Takk fyrir Hrafnhildur að lesa bæklinginn.

Ég vona að ég geti svarað spurningum þínum svo að sómi sé að.

Kennarar vinna eins og allir aðrir launamenn 1800 stundir á ári. Hins vegar skiptis vinna kennara á milli ólíka verkefna sem þó eru öll til að bæta skólastarf og fagmennsku innan skólanna.

Eins áður er útlistað þá skiptis vinna kennara á nokkra þætti. Kennslu, undirbúning, úrvinnslu, störf sem lúta að nemenda utanumhaldi og endurmenntun. Þetta er vel útskýrt í bæklingnum.

Skólaárið eru 37 vikur og á þeim tíma vinna kennara aðallega við kennslu, undirbúning, úrvinnslu og nemendautanumhald og jafnframt eru störf sem eru til þess fallin að vinna að bættu skólastarfi. Á starfstíma skóla vinna kennara 42,86 stundir í dagvinnu.

Endurmenntun reiknast þannig að hana ber að taka á tímabilinu 15.ágúst

Þar fyrir utan eru síðan

[Þorgerður Laufey Diðriksdóttir, 16.2.2007 kl. 20:56]

ég sendi frá mér færslu áður en hún var fuul skrifuð.

held áfram þar sem frá var horfið.